Sut rydyn ni'n cadw mewn cysylltiad
Bydd y ffordd yr ydym yn cadw mewn cysylltiad â chi yn dibynnu a ydych yn talu i mewn, a ydych wedi stopio talu i mewn neu a ydych wedi ymddeol.
Talu i mewn
Cylchlythyr i Aelodau Actif – Newyddion Pensiwn Gwent
Cyhoeddir y cylchlythyr hwn bob blwyddyn trwy Fy Mhensiwn Ar-lein neu drwy’r post. Caiff ei gyhoeddi pan fyddwn yn cyhoeddi Datganiadau Buddion Blynyddol ac mae’n esbonio sut i weld eich datganiad trwy eich cyfrif Fy Mhensiwn Ar-lein. Ceir ynddo wybodaeth ddefnyddiol am unrhyw newidiadau i reolau’r cynllun, materion amserol yn ymwneud â phensiynau a’r diweddaraf am y gwasanaeth yr ydym yn ei ddarparu ar eich cyfer.
Datganiadau Buddion Blynyddol
Bob blwyddyn, byddwn yn cyhoeddi datganiad electronig trwy Fy Mhensiwn Ar-lein a byddwch yn gallu gweld eich datganiad trwy eich cyfrif.
Peidiwch ag anghofio dweud wrthym am y pethau canlynol:
-
mae eich cyfeiriad neu gyfeiriad e-bost yn newid
-
mae eich statws o ran partneriaeth yn newid
-
rydych yn dymuno newid y buddiolwr yr ydych wedi ei enwebu ar gyfer y grant marwolaeth
Nid ydych yn talu i mewn mwyach
Datganiadau Buddion Blynyddol
Bob blwyddyn, byddwn yn cyhoeddi datganiad electronig trwy Fy Mhensiwn Ar-lein a byddwch yn gallu gweld eich datganiad, a’i argraffu, trwy eich cyfrif.
Peidiwch ag anghofio cadw mewn cysylltiad a dweud wrthym am y pethau canlynol:
-
mae eich cyfeiriad neu gyfeiriad e-bost yn newid
-
mae eich statws o ran partneriaeth yn newid
-
rydych yn dymuno newid y buddiolwr yr ydych wedi ei enwebu ar gyfer y grant marwolaeth
Cael eich pensiwn CPLlL
Cylchlythyr i Bensiynwyr - Gwent Grapevine
Dyma’r cylchlythyr yr ydym yn ei gyhoeddi bob blwyddyn ym mis Rhagfyr i’ch diweddaru am yr hyn sy’n digwydd gyda Chronfa Bensiwn Gwent Fwyaf (Torfaen) ac yn y byd pensiynau yn gyffredinol.
Tystysgrifau Diwedd Blwyddyn P60
Mae P60 yn dystysgrif sy’n dangos faint o bensiwn a dalwyd a’r dreth a dynnwyd yn ystod y flwyddyn dreth flaenorol. Byddwn yn anfon P60 atoch ym mis Mai bob blwyddyn. Gallwch hefyd weld manylion eich P60 a’u hargraffu trwy eich cyfrif Fy Mhensiwn Ar-lein.
Slipiau cyflog
Rydym yn anfon slip cyflog atoch o leiaf dair gwaith y flwyddyn, ym mis Mawrth, mis Ebrill a mis Mai. Gallwch hefyd weld eich slipiau cyflog ar-lein trwy eich cyfrif Fy Mhensiwn Ar-lein
Codiad Pensiwn
Mae eich pensiwn yn codi bob mis Ebrill, yn unol â chostau byw (Mynegai Prisiau Defnyddwyr) bob mis Ebrill. Byddwn yn dweud wrthych am unrhyw gynnydd i’ch pensiwn bob tro, yng nghylchlythyr Gwent Grapevine.
Peidiwch ag anghofio cadw mewn cysylltiad â ni a dweud wrthym am y pethau canlynol:
-
mae eich cyfeiriad neu gyfeiriad e-bost yn newid
-
mae eich cyfrif banc neu gymdeithas adeiladu yn newid
-
rydych yn cael swydd arall lle y gallwch ymuno â’r CPLlL
-
mae eich statws o ran partneriaeth yn newid
-
rydych yn dymuno newid y buddiolwr yr ydych wedi ei enwebu ar gyfer y grant marwolaeth
Dolenni defnyddiol
Gwefannau’r llywodraeth am bensiynau
Gwybodaeth gan y llywodraeth a gwasanaethau cyhoeddus ar-lein.
Yr Adran Gwaith a Phensiynau
Mae Cyllid a Thollau Ei Fawrhydi yn sicrhau y telir y dreth gywir ar yr adeg iawn.
Mae HelpwrArian yn dod â chanllawiau yn ymwneud ag arian a phensiynau at ei gilydd fel ei bod yn haws ac yn gyflymach dod o hyd i’r cymorth iawn. Mae’n dod â chymorth a gwasanaethau tri darparwr canllawiau ariannol a gefnogir gan y llywodraeth, at ei gilydd mewn un man: Y Gwasanaeth Cynghori Ariannol, Y Gwasanaeth Cynghori ar Bensiynau a Pension Wise.
Mae adnoddau rhad ac am ddim fel HelpwrArian neu wefan y Cynllun Pensiwn Llywodraeth Leol yn wych. Gallant eich helpu i feithrin eich gwybodaeth am bensiynau a’ch tywys trwy’r materion pwysig yr ydych yn eu hwynebu wrth i chi ymddeol. Yn hytrach na rhoi arweiniad cyffredinol i chi, bydd Cynghorydd Ariannol Annibynnol yn edrych ar eich amgylchiadau unigol, eich sefyllfa ariannol a’ch nod wedi ymddeol, ac yn cynnig argymhelliad sy’n benodol i’ch sefyllfa bersonol chi. Ni fydd pob un eisiau talu am wasanaeth Cynghorydd Ariannol Annibynnol, ond os ydych yn dymuno talu, yna mae’n hanfodol eich bod yn defnyddio un sydd wedi’i reoleiddio gan yr Awdurdod Ymddygiad Ariannol. Os oes arnoch angen cyngor am drosglwyddo eich cynilion pensiwn, dylech siarad â Chynghorydd Ariannol Annibynnol sydd â chymhwyster yn y maes hwn.
Gallwch ddod o hyd i Gynghorydd Ariannol Annibynnol lleol sydd wedi’i reoleiddio gan yr Awdurdod Ymddygiad Ariannol, trwy ddefnyddio teclyn o’r enw ‘Darganfod ymgynghorydd ymddeoliad’ sydd ar gael gan HelpwrArian.
Am wybodaeth am bensiynau’r wladwriaeth, cysylltwch â’r Gwasanaeth Pensiwn. Gallwch ddarganfod ar ba oed y gallwch hawlio pensiwn y wladwriaeth.
Os oeddech yn aelod o gynllun arall yn y gorffennol, ac rydych wedi colli cysylltiad â nhw, yna dylai’r corff canolog hwn fod yn gallu eich helpu i ddod o hyd iddynt.
Mae’r Rheoleiddiwr Pensiynau yn wylgi pensiynau sy’n sicrhau bod cynlluniau yn cael eu rhedeg yn iawn. Mae hefyd yn amddiffyn aelodau rhag twyll. Gall unrhyw un sy’n pryderu am gynllun ‘chwythu’r chwiban’ wrth y Rheoleiddiwr Pensiynau.
Sefydlwyd yr Ombwdsmon Pensiynau o dan y Ddeddf Pensiynau, ac mae’n gallu ymchwilio i unrhyw gŵyn neu anghydfod neu ffaith gyfreithiol sy’n ymwneud â’ch cynllun pensiwn, a’u pennu.
Gwybodaeth am y Cynllun Pensiwn Llywodraeth Leol
Y Cynllun Pensiwn Llywodraeth Leol.
Mae’r wefan hon ar gyfer cyflogeion yng Nghymru a Lloegr, ac mae’n rhoi’r wybodaeth ddiweddaraf am y CPLlL newydd sy’n berthnasol er 1 Ebrill 2014.
Adroddiad Blynyddol Y Cynllun Pensiwn Llywodraeth Leol
Yr Adroddiad Blynyddol diweddaraf ar gyfer Y Cynllun Pensiwn Llywodraeth Leol (CPLlL) yng Nghymru a Lloegr.
Gwefannau gwasanaethau ariannol
Chwiliwch am gynghorydd ariannol annibynnol. Sicrhewch eu bod yn deall y CPLlL.
Yr Awdurdod Ymddygiad Ariannol
Gwybodaeth am wasanaethau ariannol y Deyrnas Unedig. Cynnyrch ariannol a chyngor am arbed arian.
Gwefan ariannol hunan-gymorth flaenllaw’r Deyrnas Unedig.
Ewch i’r wefan hon am gyngor am leihau eich costau.
Gwefannau defnyddiol eraill
Pwyllgor Pensiynau Llywodraeth Leol
Cymorth i awdurdodau lleol yn eu rôl adnoddau dynol. Maent yn helpu trwy ddarparu cyngor a gwybodaeth arbenigol ar reoli a datblygu pobl mewn llywodraeth leol ac arwain y broses o ffurfio polisïau am rai o’r materion sy’n gysylltiedig â chyflogwyr.
Yr Adran Ffyniant Bro, Tai a Chymunedau
Mae’r adran hon yn gyfrifol am feysydd polisi yr Adran dros Drafnidiaeth, Llywodraeth Leol a’r Rhanbarthau gynt a’r Swyddfa Cabinet.
Mae Age Concern yn cefnogi pob un dros 50 yn y Deyrnas Unedig, gan sicrhau eu bod yn cael y gorau o fywyd. Maent yn darparu gwasanaethau hanfodol, er enghraifft gofal dydd a gwybodaeth. Maent hefyd yn ymgyrchu dros faterion fel gwahaniaethu ar sail oed a phensiynau, ac yn gweithio i ddylanwadu ar farn y cyhoedd a pholisi’r llywodraeth mewn perthynas â phobl hŷn.
Mae’r gwasanaeth Cyngor ar Bopeth yn helpu pobl i ddatrys eu problemau cyfreithiol ac ariannol a phroblemau eraill, trwy ddarparu gwybodaeth a chyngor rhad ac am ddim o dros 3,000 o leoliadau, a thrwy ddylanwadu ar y rheiny sy’n llunio polisïau. Gallwch ddod o hyd i fanylion swyddfeydd Cyngor ar Bopeth lleol trwy fynd i wefan Cyngor ar Bopeth.
Cyngor defnyddiol er mwyn adnabod sgamiau yn ymwneud â phensiynau, a’u hosgoi.